Ninguén debería desexar outra burbulla inmobiliaria como a que nos meteu nesta crise económica. Teríamos que avogar por un desenvolvemento equilibrado e sostible mentres aínda estamos a tempo.
Na nosa sociedade a vivenda forma parte esencial da nosa vida e polo tanto da nosa paisaxe. Demasiadas veces, deixamos que estas construcións se propagasen polo noso contorno como se dun invasor se tratase. Outras, pola contra, conseguimos que as obras arquitectónicas convivisen coa paisaxe en harmonía.
Se algunha das medidas que nos propoñen no artigo contribúen realmente a reactivar este mercado inmobiliario tan castigado, algo que tanto compradores como vendedores estamos desexando, e se o conseguen facer de xeito sostible, daquela serán benvidas.
